Xitay amérikining 2011-yilliq herbiy doklatigha naraziliq bildürdi

Pentagon aldinqi küni 2011-yili herbiy doklatini élan qilghan. Doklatning xitaygha alaqidar qismida, xitayning herbiy tereqqiyatining gherbiy tinch okyan rayonining tinchliqigha xewp shekillendürüwatqanliqi tilgha élin'ghan.
Muxbirimiz shöhret hoshur
2011.08.26

Amérika we ittipaqdashliri tinch okyan rayonidiki kelgüsi xitay tehditige qarita hoshyar bolushqa qarita agahlandurulghan idi. Doklatta, bu éhtimalliqni ispatlash üchün, xitayning yéqinda tereqqiy qildurghan awi'amatka qatarliq herbiy esliheliri, alem boshluqi seperliri we yilliq herbiy xirajetliri pakit qilip körsitilgen.

Bügün xitayning dölet mudapi'e ministirliqi bu heqte bayanat élan qilip, pentagonning mezkur doklatidin qattiq narazi ikenlikini bildürdi. Xitay terep bayanatida, pen-téxnikining tereqqiyatigha egiship xitayning herbiy qoralliriningmu ilgharlishiwatqanliqini, ayrilghan herbiy xirajitiningmu peqetla mudapi'e meqsetlik ikenlikini tekitlidi.

Bayanatta yene pentagon doklatida, xitayning herbiy tereqqiyatini mubalighileshtürülgenliki tilgha élinip, doklatta otturigha qoyulghan endishe we agahlandurushlarni pütünley asassiz dep körsetti.

Roytirsning bügünki xewiride gerche pentagonning doklati xitayning qattiq naraziliqini qozghighan bolsimu, ikki terepning nöwettiki weziyitide xitay terepning achchiqini ichige yutushqa mejbur ikenliki, shunga bu naraziliqning ikki terep munasiwitining dawamlishishigha tesir körsitelmeydighanliqi otturigha qoyulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.