Хитай америкиниң диний әркинлик доклатиға қарши наразилиқ билдүрди

Америка ташқи ишлар министирлиқи өткән җүмә күни дунядики һәр қайси дөләтләрниң 2008 ‏ - йиллиқ диний әркинлик әһвали тоғрисида доклат елан қилған иди.
Мухбиримиз гүлчеһрә
2008-09-23
Share

Шундақла доклатта, хитайни диний әркинлик әһвали алаһидә диққәт қилинидиған дөләтләр тизимликигә киргүзгән һәмдә доклатниң хитайға аит бөлүмидә хитайниң асасий қанундики диний әркинлик маддисиға хилап һалда тибәт вә уйғур аптоном районида диний әркинликни бастурушни күчәйткәнлики, йәр асти христан черкавлирини, фалунгоң муритлирини чәкләш вә бастурушни давамлаштуруватқанлиқини тәнқидлигән иди.


23 - Сентәбир хитай ташқи ишлар министирлиқи баянатчиси җяң йү, хитай һөкүмитиниң, америкиниң 2008 - йиллиқ диний әркинлик доклати"ға қаттиқ нарази икәнлики тоғрисида баянат бәргән.

У баянатида " америка елан қилған 2008 - хәлқара диний әркинлик доклатида, җуңгониң диний һәм миллий сияситини бурмилиған, америкиниң җуңгониң ички ишлириға арилишиш вә сиясәтлирини әйибләш һоқуқи йоқ, биз америкиниң ички ишлиримизға арилишишиға йол қоймаймиз. Америкиниң бу хил һәрикәтлирини тохтитишини тәләп қилимиз вә күчлүк қаршилиқ вә наразилиқ билдүримиз " дегән.

Җяң йү сөзидә йәнә, хитай һөкүмитиниң пуқраларниң диний етиқад әркинликигә һөрмәт қилидиғанлиқини һәм қоғдайдиғанлиқини, барлиқ милләтләрниң диний әркинлик һоқуқлиридин бәһриман болуватқанлиқини әскәрткән.

Әмма инкас һәмдә учурлардин мәлумки, уйғур елидә рамизан ейи болған һазирқи мәзгилниң өзидиму, уйғурларниң роза тутуши, мәсчиткә кириши, нормал диний паалийәтләргә қатнишишиму хитай даирилири тәрипидин қаттиқ чәкләнмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт