Besh bürjeklik bina xitaydin afghanistan'gha küchlük yardem bérishni kütmekte

Besh bürjeklik bina hazir xitaydin afghanistan mesilisi, déngiz qaraqchilirigha zerbe bérish mesilisi we bashqa xelq'araliq murekkep mesililerde amérika bilen küchlük hemkarlishishini kütmekte.
Muxbirimiz weli
2009-02-28
Élxet
Pikir
Share
Print

Roytrs agéntliqining béyjingdin bayan qilishiche, amérika bilen xitay otturisida, amérikining teywen'ge qoghdinish üchün qoral sétip bérish pilani sewebidin toxtap qalghan herbiy hemkarliqni qaytidin qozghitip, küchlük herbiy hemkarliq ornutush heqqide béyjingda élip bérilghan ikki künlük muzakiride netije hasil bolmidi.

Amérika dölet mudapi'e ministirlikining besh bürjek bina emeldari dawit sédnéyning bayan qilishiche, washin'gitonning ottura asiya mesililiri, somalida déngiz qaraqchilirigha zerbe bérish mesilisi qatarliq xelq'araliq murekkep mesililerde xitaydin küchlük yardem kütidighan muzakire témilirigha xitay terep qarshi chiqqan.

Xewerde éytilishiche, hazir ikki terep yene, bu témilar üstide kéler heptide muzakire qilidighan waqitini békitmekchi boliwatidu. Chünki xitay 2009‏ - yilliq herbiy xamchotini 2007‏ - yilidikidin 17% ashurghan idi. Xitay bu pilanini yéqinda échilidighan kommunist partiyining kontrolliqidiki xelq qurultiyida maqullatmaqchi.

Toluq bet