Хитайниң һәрбий әмәлдари: хитай армийиси америкиға тәһдит әмәс

Америкида зиярәттә болуватқан хитайниң 2 ‏ - дәриҗилик һәрбий әмәлдари, бүгүн вашингтондики бир тәтқиқат мәркизидә сөз қилип, хитайниң һәрбий тәрәққиятиниң кеңәймичилик мәқситидә әмәсликини, қорал - ярақ риқабити үчүнму әмәсликини, пәқәт вә пәқәт әқәллий қоғдиниш даирисидә икәнликини билдүргән.
Мухбиримиз шоһрәт һошур
2009-10-27
Share

Генерал шү сәйху хитайниң һәрбий хираҗитиниң юқири әмәсликини, мәсилән, америкиниң йиллиқ һәрбий хираҗити 4.8% Йүксәлгән болса, хитайниң пәқәт 1.4% Йүксәлгәнликини билдүргән. У йәнә соалларға җавабән, хитайниң башқурулидиған бомба мусаписиниң чәклик икәнликини, америкиниң тенч окяндики уруш парахотлириға тәһдит әмәсликини баян қилған.

Шү сәйхуниң бу қетимқи америка зиярити, обаманиң хитай зияритидин 2 һәптә аввалға орунлаштурулуши көзәткүчиләрниң диққитини тартмақта вә бу зиярәт давамида америка - хитай һәрбий мунасивәтлиригә даир муһим мәсилиләрниң музакирә қилинидиғанлиқи тәхмин қилинмақта. Америка йиллардин бери хитайниң һәрбий тәрәққиятидики хупияниликни тәнқид қилип кәлмәктә вә буни америкиниң асия - тенч окян районидики мәнпәәтигә тәһдит дәп қарап кәлмәктә.

Шү сәйхуниң бу қетимқи зиярити 31 ‏- өктәбиргә қәдәр давамлишиду, бу җәрянда у америкиниң җорҗийә, небраска, невада вә һавай шитатидики һәрбий базилирини зиярәт қилиду. Хәвәрләрдә көрситилишичә, генерал шү сәйху үчүн тәйярланған күтүвелиш мурасими түнүгүнки ямғурлуқ һава сәвәбидин бикар қилинған.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт