Xitayning herbiy emeldari: xitay armiyisi amérikigha tehdit emes

Amérikida ziyarette boluwatqan xitayning 2 ‏ - derijilik herbiy emeldari, bügün washin'gtondiki bir tetqiqat merkizide söz qilip, xitayning herbiy tereqqiyatining kéngeymichilik meqsitide emeslikini, qoral - yaraq riqabiti üchünmu emeslikini, peqet we peqet eqelliy qoghdinish da'iriside ikenlikini bildürgen.
Muxbirimiz shohret hoshur
2009-10-27
Share

Général shü seyxu xitayning herbiy xirajitining yuqiri emeslikini, mesilen, amérikining yilliq herbiy xirajiti 4.8% Yükselgen bolsa, xitayning peqet 1.4% Yükselgenlikini bildürgen. U yene so'allargha jawaben, xitayning bashqurulidighan bomba musapisining cheklik ikenlikini, amérikining ténch okyandiki urush paraxotlirigha tehdit emeslikini bayan qilghan.

Shü seyxuning bu qétimqi amérika ziyariti, obamaning xitay ziyaritidin 2 hepte awwalgha orunlashturulushi közetküchilerning diqqitini tartmaqta we bu ziyaret dawamida amérika - xitay herbiy munasiwetlirige da'ir muhim mesililerning muzakire qilinidighanliqi texmin qilinmaqta. Amérika yillardin béri xitayning herbiy tereqqiyatidiki xupiyanilikni tenqid qilip kelmekte we buni amérikining asiya - ténch okyan rayonidiki menpe'etige tehdit dep qarap kelmekte.

Shü seyxuning bu qétimqi ziyariti 31 ‏- öktebirge qeder dawamlishidu, bu jeryanda u amérikining jorjiye, nébraska, néwada we haway shitatidiki herbiy bazilirini ziyaret qilidu. Xewerlerde körsitilishiche, général shü seyxu üchün teyyarlan'ghan kütüwélish murasimi tünügünki yamghurluq hawa sewebidin bikar qilin'ghan.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet