Робрт гейтс хитай билән болған 'һәрбий диалогдики бир башлинип - бир тохтап қалидиған әһвални аяқлаштуруш керәк' дәп көрсәткән

Ройтрс агентлиқиниң вашингтондин баян қилишичә, хитайниң юқири дәриҗиик һәрбий әмәлдари түнүгүн бәш бүрҗәк бинаға кәлгәндә, америка мудапиә миниситири робрт гейтс 'америка билән хитай оттурисида бир башлинип - бир тохтап қалидиған бундақ һәрбий диалог әһвалини аяқлаштуруш керәк' дәп көрсәтти.
Мухбиримиз вәли
2009-10-28
Share

Бәш бүрҗәклик бинаниң ахбаратчиси геоф моррелниң ейтишичә, америка дөләт мудапиә министири робрт гәйтс хитай билән болған бундақ һәрбий диалогни аяқлаштуруш керәк дегән пикрини, түнүгүн хитай һәрбий комитетиниң муавин рәиси, азадлиқ армийә генерали шү сәйху билән 75 минут сөзләшкәндин кейин җакарлиған. Бу диалогта робрт гейтс, һәрбий күчини кеңәйткәндин кейинки хитай һәрбий қисимлири билән өз - ара пикирлишип туруш лазимлиқини илгири сүргән болсиму, әмма шү сәйху хитайниң һәрбий күчини ашурғанлиқи пәқәт өзини қоғдаш үчүнла дәп гәп йорғилатқан иди.

Америка - хитай оттурисидики һәрбий диалог, америка 2006‏ - йили тәйвәнгә 6 милярд 500 милйон долларлиқ қорал сатқандин кейин, хитай тәрипидин тохтитип қоюлған иди. Бу йил йәнә қайтидин башланған диалогтиму хитайниң тутруқсиз гәплири қолаққа яқмиғандин башқа, һечқандақ әмәлий мәзмундики келишим яки пикир бирлики һасил болмиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт