Хитай кишилик һоқуқ мәсилисидә америкиға қарши һуҗумға өтти

Америка ташқи ишлар министирлики алдинқи күни елан қилған кишилик һоқуқ доклатида хитай кишилик һоқуқ хатириси, хитайниң уйғур вә тибәт сияситини тәнқитлигәндин кейин, хитай дөләт ишлар кабинети пәйшәнбә күни "америкиниң 2008 ‏ - йиллиқ кишилик һоқуқ әһвали" тоғрисида доклат елан қилип, америка кишилик һоқуқ хатирисини тәнқидлиди.
Мухбиримиз әркин
2009-02-27
Share

Шинхуа ахбарат агентлиқиниң хәвәр қилишичә, хитай дөләт кабинетиниң ахбарат ишханиси хитайниң доклат елан қилиштики мәқсити "дуня хәлқиниң америка кишилик һоқуқ хатирисиниң һәқиқи әһвалини чүшинивелиши, америкиниң намувапиқ һәрикити үстидә ойлинип көрүшини илгири сүрүш," дәп тәкитлигән.

Хитай доклатта америкини башқиларниң "һаяти - кишилик бихәтәрлики", "иқтисади, иҗтимаий вә мәдәнийәт һоқуқи", "ирқий кәмситиш", башқа дөләтләрниң кишилик һоқуқиға таҗавуз қилиш" билән әйибләпла қалмай, америкиниң һәрикитини йәнә "өзи әйнәклик өйдә олтуруп башқиларға таш атқанлиқ," дәп тәнқидлигән.

Америка ташқи ишлар министирлики алдинқи күни елан қилған дунядики һәр қайси әлләрниң кишилик һоқуқ әһвали һәққидики доклатида хитайниң сөз әркинлики, пуқраларниң көчүш һоқуқи, йиғилиш әркинликини боғуватқанлиқини, тибәт вә уйғур елидә диний әркинлик, мәдәнийәт вә ана тили һоқуқи чәклинип, вәзийитиниң еғирлашқанлиқини илгири сүргән. Лекин хитай америкиниң кишилик һоқуқ әһвали һәққидики доклатида америка даирилирини "өзиниң кишилик һоқуқ хатирисидики еғир мәсилиләргә көз юмди", дәп әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт