Хитай, 'ақ ташлиқ китаби'да 5 - июл вәқәсиниң иқтисадқа тәсир көрсәткәнликини елан қилди

Хитай даирилири бу йил июлдики үрүмчи намайишиниң уйғур елидә иқтисадий тәрәққият қәдимини ақситип қойғанлиқини илгири сүрди. Ройтерс агентлиқида көрситилишичә, хитай һөкүмити бу һәқтики хәвәрни дүшәнбә күни елан қилған ақ ташлиқ китабида оттуриға қойған.
Мухбиримиз җүмә
2009.09.21

Ақ ташлиқ китабта мундақ дейилгән: " шәрқий түркистан күчлири шинҗаңниң иқтисадий тәрәққиятини еғир дәриҗидә зәрбигә учратти. Улар мәбләғ селиши муһитини аҗизлаштуруп, нәтиҗидә, башқа районлардин келидиған мәбләғни көрүнәрлик дәриҗидә азайтти."

Хитай һөкүмити уйғур елидә иқтисадий тәрәққиятини илгири сүргәнлики, бу хил тәрәққиятлардин уйғурларниңму бәһримән болуп келиватқанлиқини тәкитләп келиватқан иди.

Һалбуки, ройтерста тәнқидчиләрниң ейтқанлиридин нәқил елип көрситишичә, хитай һөкүмити уйғур елигә салған мәбләғләр уйғурларға мәнпәәт елип кәлмигән. Бу хилдики тәңпуңсизлиқ миллий өчмәнликини кәлтүрүп чиқарған.
Мәлум болушичә, уйғур елидики деһқанларниң йиллиқ кирими 3503 йүән әтрапида болуп, хитайниң башқа җайлирида пуқраларниң йиллиқ кирими 4761 йүәндин 11 миң 440 йүән әтрапиғичә икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.