Xitay kishilik hoquq aq tashliq kitabi élan qildi

26 - Séntebir küni xitay dölet ishliri kabinéti özining 2009 - yilliq kishilik hoquq aq tashliq kitabini élan qildi.
Muxbirimiz ümidwar
2010.09.26
Share on WhatsApp
Share on WhatsApp

Xitayning shinxu'a torining xewer qilishiche, "junggoning 2009 - yilidiki kishilik hoquq ishlirining tereqqiyati" dep atalghan mezkur aq tashliq kitabta xitayning qanunni ijra qilish we edliye saheside kishilik hoquqni kapaletke ige qilishning kücheytilip, puqralarning siyasiy hoquqi, yashash hoquqi qatarliqlarning hemmiside zor yaxshilinish bolghanliqi bayan qilin'ghan.
 
Doklatta yene az sanliq milletlerning hoquqliriningmu zor derijide kapaletke ige qilin'ghanliqi körsitilgen. Pütünley özini maxtash bilen tolghan mezkur aq tashliq kitab bir qisim xelq'araliq kishilik hoquq teshkilatlirining tenqidige uchrighan.
 
B b s agéntliqining xewirige asaslan'ghanda, kishilik hoquqni közitish teshkilatining asiya ishliri bölümining mes'uli sofiye richardson bu doklatta xitayda kishilik hoquq mesilisining rastchilliq bilen bahalanmighanliqini, xitayning emeliyette kishilik hoquq tashliq kitabi élan qilish emes, belki xitayning xelq'araliq we ichki qanunlirini emeliyleshtürüp, kishilik hoquqni kapaletke ige qilishi lazimliqini bildürgen.
 
Chégrisiz muxbirlar teshkilati, xelq'ara kechürüm teshkilati, kishilik hoquqni közitish teshkilati izchil türde xitayning kishilik hoquq xatirisini, jümlidin Uyghurlarning kishilik hoquqlirining depsende qilinishining dawamliq éghirlishiwatqanliqini izchil tenqid qilip kelgen idi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.