Җаңшиниң бир полат төмүр ширкити атушта қурулуш башлиди

Хәвәрдә қизилсу областида 69 хил кан мәһсулат түрлириниң записи байқалғанлиқи, буниң дөләт бойичә, кан мәһсулат түрлириниң 40%ни тәшкил қилидиғанлиқи билдүрүлгән.

Мәзкур ширкәт атушниң тәбиий байлиқидин пайдилиниш һәм оттура асия дөләтлириниң полат мәһсулатлириға болған еһтияҗини нәзәрдә тутуп, җәмий 7 милярд 500 милйон юән мәбләғ айриған. Әгәр қурулуш тамамланса, йилиға бир милйон тонна юқири сүпәтлик полат төмүр ишләпчиқирилмақчи.

Хәвәрдә билдүрүлүшичә, бу җяңши өлкисиниң уйғур елиниң җәнубида елип баридиған әң чоң қурулуш түридур.

Әмма көзәткүчиләр, 5 - июл вәқәсидә ипадиләнгән уйғурлардики қаршилиққа асасән, уйғур районида хитай тәрипидин елип берилған чоң типтики қурулушларниң һаман бир күни һуҗумға учраш еһтималлиқи барлиқини илгири сүрмәктә вә карханичиларни уйғур елиға мәбләғ селишта узун мәзгилни көзләшкә вә еһтиятчан болушқа чақирмақта.