Австралийә - хитай мунасивәтлиридә йәнила пәрқләр мәвҗут

Австралийә ташқи ишлар министири кевин руд чаршәнбә күни мухбирларға қилған сөзидә хитай билән болған мунасивитиниң рабийә қадир ханимға виза бәргәнлик сәвәби бир мәһәл җиддийләшкәнликини тилға елип: "бизниң хитай билән нурғун ортақ мәнпәәтлиримиз бар, әмма бизниң йәнә һәм нурғун охшимаслиқлиримизму бар. Бу охшашмаслиқлар охшимиған қиммәт қариши вә бәзидә охшимиған мәнпәәтләрдин келип чиққан," деди.
Мухбиримиз ирадә
2009.08.20
Share on WhatsApp
Share on WhatsApp

Австралийә - хитай мунасивәтлири австралийә даирилириниң рабийә қадир ханимға виза бериши билән җиддийләшкән болуп, хитай даирилириму йеқинда хитай муавин ташқи ишлар министириниң австралийә зияритини бикар қилип австралийигә болған наразилиқини билдүргән иди.

Әмма хитай ташқи ишлар министирлиқи түнүгүн мухбирларға қилған сөзидә, хитайниң австралийә билән болған мунасивитиниң яманлишип кетишини халимайдиғанлиқини билдүрүп икки тәрәпниң бир - биригә һөрмәт қилған асаста мәсилилирини һәл қилип кетәләйдиғанлиқини билдүргән иди.

Австралийә ташқи ишлар министири кевин рудд сөзидә йәнә, хитайниң австралийидә интайин муһим мәнпәәтлири бар һәм бизму хитайниң асияда муһим рол ойнайдиғанлиқини билимиз, деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт