Xitay axbaratining erdoghan bilen wén jyabawning söhbiti heqqidiki xewerliri guman qozghimaqta

Türkiye bash ministiri rejep tayyip erdoghan bügün yeni düshenbe küni xitay bash ministiri wén jyabaw bilen körüshken.
Muxbirimiz shöhret hoshur
2012.04.09

Ikki bash ministirning söhbiti aldida axbarat élan qilghan xitay tashqi ishlar bayanatchisi, türkiye bilen xitayning süriye mesiliside pikrining perqliq ikenlikini, emma süriye mesilisini hel qilishta xelq'ara jama'etning rolining muhimliqida pikir ortaqliqigha ige ikenlikini bildürgen.

B b s ning bügünki bu heqtiki xewiride bildürüshiche, xitay bayanatchi sözide erdoghanning ürümchi ziyariti heqqide tepsiliy melumat bermigen.
Shinxu'a agéntliqi erdoghanning wén jyabaw bilen bolghan söhbitide, türkiyide xitaygha qarshi bölgünchilik heriketlirige yol qoymaydighanliqi heqqide wede bergenlikini xewer qildi. Emma erdoghan seperge chiqishning aldida, xitay ziyariti heqqide toxtilip, Uyghur qérindashlirimizning zulum chékishini xalimaymiz, ularning qandaq shara'itlarda rahet yashishining mumkinliki heqqide bash qaturimiz” dégen idi.

Nöwette bezi közetküchiler xitay axbaratining erdoghan we wén jyabawning söhbiti heqqidiki yuqiriqi xewirige guman bilen qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.