Xitayning dölet bayrimi küni xongkong we makowda naraziliq namayishi boldi

Xitay hökümet da'iriliri 1-öktebir küni xitaydiki herqaysi jaylarda kommunist xitay dölitining 63 yilliqini tebriklesh pa'aliyetliri ötküzdi.
Muxbirimiz méhriban
2012.10.02
Share on WhatsApp
Share on WhatsApp

Bu küni chet'ellerdiki Uyghur, tibet hem xitay démokratliri xitay elchixaniliri aldida naraziliq namayishi ötküzgendin bashqa, xongkong hem makowdiki bir qisim teshkilatlar we amma xitay hökümitige qarshi naraziliq namayishliri uyushturdi.

1997-Yili xongkong, 1999-yili makow ötküzüwélin'ghandin kéyin, xitay hökümiti “Xongkong we makowda bir dölet ikki xil tüzüm yürgüzülidu” dep élan qilghan bolsimu, emma közetküchiler bu rayonlardiki puqralarning kishilik hoquq erkinlikining barghanche köp cheklimilerge uchrawatqanliqini ilgiri sürmekte.

Xewerlerdin melum bolushiche, 1-öktebir küni xongkongda élip bérilghan naraziliq namayishigha qatnashqan teshkilatlar we puqralar yillardikidin köpeygen. Namayishchilar öz sho'arlirida xitayda démokratiyining boghulup, puqralarning kishilik hoquqining barghanche nacharlishiwatqanliqini eyiblep, lyu shawbo qatarliq siyasiy jinayetchilerni qoyup bérishni telep qilghan. Namayishchilar yene yéqinda xongkongdiki mekteplerde élip bériliwatqan xitay kommunist hökümitining “Wetenperwerlik terbiyisi” gimu naraziliq bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.