Xitay kompartiyisi hakimiyet tartiwalghanliqining 60 yilliqi tebriklendi

Xitay kompartiyisi hökümiti peyshenbe küni tyen'enmén meydanida heywetlik murasim ötküzüp, kompartiye hakimiyet tartiwalghanliqining 60 yilliqini tebriklidi. Murasimda zor kölemlik herbiy parad ötküzüp, xitayning dölet mudapi'e küchini namayen qilindi shundaqla awam xelqning 100 ming kishilik parat murasimi bolup ötti.
Muxbirimiz erkin
2009.10.01
Share on WhatsApp
Share on WhatsApp

Xitay hökümiti bu qétimqi murasimning bixeterlikige kapaletlik qilish üchün béyjingda bixeterlik tedbirlirini mislisiz chingitip, öktichilerni we Uyghurlarni nazaret astigha alghan yaki béyjingdin qoghlap chiqarghan idi. Murasim küni saqchilar tyen'enmén meydani we chang'en yolining barliq éghizlirini qamal qilip, béyjing xelqidin talagha chiqmay öyide olturushni telep qilghan.

Xitay dölet re'isi xu jintaw murasimning échilish qismida nutuq sözlep, " ulugh wetenning tereqqiyati we algha bésishi pütün memlikettiki her millet xelqini cheksiz iptixargha chömdürdi. Hemmeylenning jongxu'a millitining ulugh güllinishining nurluq kélechikige bolghan ishenchisi kamildur," dégen.

Lékin bu murasim 5‏ - iyuldiki ürümchi weqesining kölenggüsi astida ötküzülgen idi. 5 ‏ - Iyuldiki weqede éghir ölüm - yétim yüz bergen.

Peyshenbe künki murasimda zor kölemlik herbiy parad ötküzülüp, xitay armiyisining her qaysi qisimlirining qoral - yaraq we urush qilish küchi köz - köz qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.