Xitay b d t ning kishilik hoquq tewisiyisini ret qildi

Bu teklip pikirler ipade erkinliki, yighilish erkinliki, edliye musteqilliqi, adwokatlarning hoquqi, kishilik hoquq pa'aliyetchilirini qoghdash, tibet we Uyghurlarning hoquqi, ölüm jazasini qisqartish, emgek bilen özgertish tüzümini bikar qilish, ten jazasining aldini élish, metbu'at erkinliki, kemsitishning aldini alidighan ünümlük chare - tedbirlerni yolgha qoyush qatarliq mezmunlarni öz ichige alghan idi.

B d t kishilik hoquq kéngishi peyshenbe küni jenwede xitay kishilik hoquq xatirisige a'it qerellik tekshürüsh doklati maqullighan bolup, doklatta xitayning kishilik hoquq xatirisini yaxshilash toghrisidiki yuqiriqi teklip pikirler otturigha qoyulghan idi. Lékin xitay doklatta otturigha qoyulghan 70 nechche türlük teklip pikirni qobul qilishni ret qilghan. Bu teklip pikirler kishilik hoquqni közitish teshkilati, xelq'ara kechürüm teshkilati, muxbirlarni qoghdash komitéti qatarliq xelq'ara teshkilatlar teripidin sunulghan idi.

Lékin xitay hökümiti xitayning kishilik hoquq xatirisini aqlap, xitayda "axbarat cheklimisi yoq " lüqi, xitay hökümitining " az sanliq milletlerge héchqachan ten jazasi bérishke yol qoyup baqmighan " liqini ilgiri sürgen. Kishilik hoquqni közitish teshkilatining jenwediki mes'uli riwéro, xitayning bu heqtiki bayanati we ret qilishini " ghewghapereslik" bilen eyibligen.