خەۋەردە ئاشكارىلىنىشىچە، بۈگۈن ئۈرۈمچىدە ئېچىلغان ئاپتونوم رايونلۇق خەلق قۇرۇلتىيىنىڭ 31-قېتىملىق يىغىنىدا، «جۇڭخۇا خەلق جۇمھۇرىيىتىنىڭ ئۇشتۇمتۇت ھادىسىلەرنى بىر تەرەپ قىلىش قانۇنى» نى ئىجرا قىلىش ھەققىدە يېڭى بەلگىلىمە تۈزۈپ چىقىلغان.
بۇ بەلگىلىمىدە، ناھىيىدىن يۇقىرى دەرىجىلىك ئورگانلار ئۇشتۇمتۇت ھادىسىلەرنى بىر تەرەپ قىلىش ئۈچۈن مەخپىي ئۇچۇر توپلاش ۋە ئاشكارا ئۇچۇر ئېلان قىلىدىغان باياناتچى قويۇش تۈزۈمىنى يولغا قويۇشى كېرەك دەپ ئوتتۇرىغا قويۇلغان. شۇنداقلا ناھىيە دەرىجىلىكتىن يۇقىرى ھۆكۈمەتلەرگىمۇ رادىئو، تېلېۋىزىيە، گېزىت، ئىنتېرنېت، يانفون ۋە باشقا ئېلېكترونلۇق ئۈسكۈنىلەرنى كونترول قىلىش ھوقۇقى بەرگەن.