Хитай һөкүмити бәшбалиқ қәдимий харабисини 'вәтәнпәрвәрлик тәрбийиси' орниға айландурмақчи

Хитай һөкүмити уйғур елигә җайлашқан бәшбалиқ қәдимий шәһири харабисини саяһәт бағчиси қилип қуруп чиқидикән. Һалбуки, чәтәлләрдики уйғур мутәхәссисләр буни хитай коммунист һөкүмитиниң уйғур елидә тарихни бурмилап өз һакимийитиниң қануний асасини күчәйтиш қәдәмлириниң бир қисми дәп қаримақта.
Мухбиримиз җүмә
2009.10.26

Хитай хәлқ торида хәвәр қилинишичә, мәзкур қурулуш түригә хитай дөләтлик мәдәний мираслар идариси мәбләғ салған болуп, қурулуш 2010 ‏- йили башлинип, үч йил вақит ичидә тамамлинидикән.

Америкидики нам шәрипни ашкарилашни халимиған бир археологниң билдүрүшичә, хитай һөкүмити бу хилдики қурулушларни қәшқәр, ақсу вә турпан қатарлиқ шәһәрләрдиму қәстән кеңәйтип елип барған һәмдә бу җайларни мәхсус аталмиш " вәтәнпәрвәрлик тәрбийиси" елип баридиған орунларға айландурған.

Тарихий материялларға қариғанда, уйғур елиниң җимисар наһийисигә җайлашқан бәшбалиқ шәһири, илгирики дәврләрдә муһим мәдәнийәт, сода вә сиясәт мәркизи болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.