Xitay bingtüen armiyisi ashkara halda milletchilik siyasiti yürgüzmekte

Xitay axbarat wastiliridin bolghan shinxu'a agéntliqi 6 ‏ - noyabir künidiki xewiride xitayning gensu ölkisidin Uyghur élige kelgen ikki acha ‏ - singilning paxta térip tapqan 15 ming yüenni élip yurtigha xushal qaytqanliqini élan qilghan bolup, bu xewer chet'ellerde yashawatqan Uyghurlarning naraziliqini qozghidi.
Muxbirimiz eqide
2008-11-06
Share

Shinxu'a agéntliqining bu heqte bergen xewiride, bu yil 9 ‏ - ayda ishlepchiqirish qurulush armiyisi yéza ‏igilik 6 ‏ - déwiziyisi mes'ul bolup oyushturghan paxta térish emgikige qatnashqan gensuluq ikki xitay acha ‏ - singilning künige 100 kilogramdin paxta térip, jem'iy 15 ming yüen kirim qilghanliqi, buning bilen yurtida yéngi öy sélip ata ‏ - anisi bilen xushal yashawatqanliqi qeyt qilin'ghan.

Istansimizgha mezkür xewer heqqide öz inkasini bildürgen Uyghur ziyaliyliri, ishlepchiqirish qurulush armiyisining paxta térish emgikige izchil türde xitay ölkiliridin emgekchi yötkep orunlashturuwatqanliqini, hetta ularning yol kirasi, yémek ‏ - ichmek we öy kirasini üstige élip, pul tépishigha alahide yardem körsitiwatqanliqini, namrat Uyghur déhqanlirini bolsa bu xil imkaniyetke héchqachan yéqin keltürmeydighanliqini bildürüp, bu ishlepchiqirish qurulush armiyisining milletchilik siyasitini ishqa ashuruwatqanliqining ochuq bir delil ‏ - ispati déyishti.

Xewerde yene toluq bolmighan sitatistikiliq melumatlardin neqil keltürüp, bu yil gensu, xénen, sichüen qatarliq xitay ölkiliridin Uyghur diyarigha paxta térish üchün kelgen adem sanining 750 minggha yetkenliki, ularning ikki ay ichide 1 milyard 500 ming yüen kirim qilghanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.