Xitayning bérmidiki elchixanisi bérmida dawamlishiwatqan mis kéni qurulushigha naraziliq namayishi heqqide bayanat élan qildi

Xitayning bérmidiki elchixanisi 30-noyabir küni elchixana tor békitide bayanat élan qilip, bérmida dawamlishiwatqan mis kéni qurulushigha naraziliq namayishigha ipade bildürdi.
Muxbirimiz méhriban
2012-11-30
Élxet
Pikir
Share
Print

Xitayning bérma elchixanisi bayanatida, bérmidiki mis kéni qurulushining bérma hökümiti bilen tüzülgen kélishimge emel qilish prinsipi boyiche qurulush élip bériwatqanliqini bildürüp, munasiwetlik mesililerni ikki terep kélishish arqiliq hel qilsa bolidighanliqini ilgiri sürgen.

Ikki kündin buyan bérmidiki ahaliler, oqughuchilar we budda rahipliridin teshkillen'gen zor kölemdiki namayishchilar, xitay-bérma shirikchilikide, bérmida échiliwatqan mis kéni qurulushi seweblik, yerlik ahalilerning öy-makanliridin ayrilishqa mejbur qilin'ghanliqi hem mis kénining muhitni éghir bulghaydighanliqigha naraziliq bildürüp namayish qilghan idi.

Bérmidiki öktichi terep wekili ansang suchi bérmida yüz bergen naraziliq namayishining tereqqiyatigha köngül bölüwatqanliqini bildürdi. Ansang suchi 30-noyabir küni ayrim-ayrim halda, bérmidiki namayishchi amma wekilliri we bérma hökümet terep saqchilirining wekilliri bilen körüshken we mesilini hel qilishni telep qilghan idi.

Toluq bet