Хитай даирилири 20 уйғурни бөлгүнчилик җинайити билән қамақ җазасиға һөкүм қилди

Бүгүн хитайниң һөкүмәт авази болған шинхуа агентлиқи уйғур елиниң охшимиған районлиридин җәмий 20 уйғурниң бөлгүнчилик, диний әсәбийлик қатарлиқ җинайәтләр билән қарилинип, қамақ җазасиға һөкүм қилинғанлиқини җакарлиди.
Мухбиримиз ирадә
2012-08-02
Share

Хәвәрдин қариғанда, бу кишиләр интернет арқилиқ, бөлгүнчилик, террорлуқ вә җиһат тәшвиқ қилинған материялларни тарқатқанлиқи, йиғип сақлиғанлиқи вә көргәнлики үчүн айрим-айрим һалда 13 йилдин 15 йиллиққичә болған еғир қамақ җазаси билән җазаландурулған. Һазирғичә берилгән мәлуматлардин пәқәт уларниң 8 иниң ақсудин, 3 иниң қәшқәр вилайитидин вә қалғанлириниң үрүмчидин икәнлики мәлум болди.

Дуня уйғур қурултийи бүгүн баянат елан қилип, вәқәгә қаттиқ наразилиқ билдүрди. Улар хитай һөкүмити җинайәт дәп атап, еғир қамақ җазаси бериватқан интернит ишлитишниң кишиләрниң әң асасий һоқуқи икәнликини әскәртти.

Хитай һөкүмитиниң 20 уйғурни бөлгүнчилик билән җазалиши бирләшмә, ройтерс, франсийә агентлиқи, б б с вә шуниңдәк башқа хәлқара мәтбуатларниңму диққитини тартти. Мәзкур хәвәр чәтәлләрдики уйғурларниң қаттиқ ғәзипини қозғимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт