Dalay lamaning wekili kéler nöwetlik söhbet netije bermise söhbetni toxtitish éhtimali barliqini bildürdi

Tibet rohani dahisi dalay lamaning alahide wekili lodi gyari peyshenbe küni sürgündiki tibetlerning 11 ‏ - ayda chaqirilidighan daramsaladiki pewqul'adde qurultiyida xitay bilen élip bériliwatqan söhbetni toxtitish qarari chiqirilish éhtimali barliqini chetke qaqmidi.
Muxbirimiz erkin
2008-09-26
Share

Lodi gyari, kéler nöwetlik xitay - tibet söhbiti netijisiz axirlashsa, söhbetning istiqbali 11 ‏ - aydiki pewqul'adde qurultayda muzakire qilinidighanliqi, qurultayning söhbetni toxtitish qarari chiqirish éhtimalini chetke qaqmaydighanliqini bildürdi.

Xitay merkizi birliksep bölümi 10 ‏ - ayning axirliri béyjingda dalay lamaning wekilliri bilen yene bir nöwetlik söhbet ötküzidu. Lodi gyarining eskertishiche, xitay terep kéler nöwetlik söhbet dalay lamaning shexsi ornigha munasiwetlik mesililer bilen cheklinidighanliqini bildürgen. Lékin dalay lama wekiller ömiki tibetning aptonomiyilik ornini muzakire qilishta ching turuwatqan bolup, xitay terep tibetlerning yighinda öz pilanini tapshursa bolidighanliqi, lékin bu söhbet mezmunigha kirmeydighanliqini tekitligen.

Lodi gyari, eger xitay kéler nöwetlik söhbet netijige érishelmise 11 ‏ - aydiki qurultayning söhbetni dawamlashturush yaki toxtitish mesilisini muzakire qilidighanliqi, eger qurultay söhbetni toxtitish qarari chiqarsa buninggha emel qilidighanliqini bildürgen.

Xitay hökümiti bir tereptin, dalay lamaning wekilliri bilen söhbet élip barsa, yene bir tereptin, dalay lamani "bölgünchilik" bilen eyiblimekte. Xitay dölet kabinti peyshenbe küni élan qilghan " tibet medeniyitini qoghdash we tereqqi qildurush" toghrisidiki aq tashliq kitabta dalay lamani tibette qulluq tüzümni tirildürmekchi, dep eyibligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet