Хитай һөкүмити далай ламаниң тәйвән зияритигә қарши күчлүк наразилиқ ипадисини көрсәтти

Тибәт роһаний даһийси далай лама, тәйвәнгә йетип келиши һаман, хитай далай ламаниң тәйвәнни зиярәт қилғанлиқиға қарши интайин күчлүк ипадә билдүрүп кәлмәктә.
Мухбиримиз гүлчеһрә
2009.09.01

Тәйвән даирилириниң1 - сентәбир тарқатқан баянатлиридин ашкарилинишичә, хитай һөкүмити далай ламаниң тәйвәнгә қарита зияритигә наразилиқ билдүрүп, икки қирғақ мунасивитигә даир икки қетимлиқ муһим зиярәт паалийитини бикар қилған.

Б б с да көрситилишичә, хитайниң бикар қилған һәмкарлиқ зиярити асасән авиатсийә һәмдә иқтисадий саһәсигә мунасивәтлик болуп, хитайниң мунасивәтлик даирилири зияритини бикар қилишиниң далайниң тәйвәндә зиярәт елип барғанлиқи билән мунасивәтлик икәнликини тәкитлигән.

Далай лама йәкшәнбә күни тәйвән арилиға йетип кәлгән иди. Далай бу қетимлиқ тәйвән зияритиниң тәйвәндә лама диний өрүп адәтлири бойичә тәбиий апәткә учриған хәлққә тәңридин мәдәт тиләш паалийәтлиридин ибарәт динний паалийәтни асас қилидиғанлиқини билдүргән болсиму, тибәт динний рәһбири далай ламаниң, бейҗиңниң тәйвән билән мунасивәтлирини йүксдәлдүрүватқан пәйткә тоғра кәлгән бу һал сораш зияритини хитайнң интайин күчлүк наразилиқ ипадә билдүрүшигә сәвәб болмақта.

Б б с ниң хәвиригә қариғанда далай ламаниң сәйшәнбә күни гавшуңда елип барған апәткә учриғанларниң роһиға атап ном оқуш мурасимиға 20 миңдин артуқ амма қатнашқан.

Бу қетимлиқ маракот тәйфең борини апитидә, тәйвәндә һаятидин айрилған һәм йоқап кәткәнләр алтә миң кишидин ашиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.