Хитай бейҗиңлиқ қанун һимайичисиниң чәтәлгә чиқип мукапат тапшуривелишиға йол қоймиған

Хәвәрдә көрситилишичә, лихепиң 27 - ноябир күни бейҗиңдики хәлқара айродромидин бирюселға сәпәр қилип, өзигә берилгән мукапатни тапшуривелишқа тәйярланған иди. У өткәлдин өтүш алдида тәкшүрүш хадимлири тәрипидин тохтитип қоюлған һәмдә өзиниң немә сәвәбтин тохтитип қоюлғанлиқини сориғанда, тәкшүргүчи хадимларни сәвәбини чүшәндүрмигән, кейин буниң бейҗиң шәһәрлик җамаәт хәвпсизлик органлириниң буйруқи билән мунасивәтлик икәнликини билдүргән.

Ли хепиң бу мунасивәт билән наразилиқ елан қилған болуп, буниң җуңго һөкүмитиниң пуқраларға бәргән чегридин чиқиш вә кириш һоқуқлириға хилап икәнликини, шуниңдәк пуқралиқ һоқуққа қилинған һуҗум икәнликини әскәрткән.

Ли хепиң бу қетим йәнә парижда өткүзүлидиған дуня инсан һоқуқи хитабнамисиниң елан қилинғанлиқиниң 60 йиллиқ йиғиниғиму қатнишишни пилан қилған икән.

Буниңдин илгири бейҗиңлиқ әйдиз һимайичиси, инсан һоқуқи паалийәтчиси ху җайму қолға елинған болуп, униңға сахароф мукапати берилгән иди. Бирақ уму мукапат берилгәндә түрмидә болған.