Ислам диний институтиниң муавин рәиси: 'мән қизил байрақ астида туғулған'

Абдурәқип дамолла һаҗимниң ейтқанлири, йеқинда уйғур елидин радиомизға кәлгән уйғурларниң сиясий вә иҗтимаий реаллиқи һәққидики материялида оттуриға қоюлған тәпсилатлардин толиму йирақ иди.

Хәвәрдә көрситишичә, бу йил 48 яшлиқ абдурәқип дамолла һаҗим өзи һәққидә тохтилип мундақ дегән: "мән қизил байрақ астида туғулуп, қизил байрақ астида чоң болған бир уйғур. Биз меһмандост, ақ көңүл милләт. Ислам диний болса тинчлиқпәрвәр дин, қуран бизниң тинчлиқ, иттипақлиқ вә әминликни издишимизни тәләп қилиду."

Абдурәқип дамолла һаҗим йәнә "5 - июл вәқәси" һәққидә тохтилип, вәқәни "бир қисим җәмийәт дашқаллири" кәлтүрүп чиқарғанлиқини, уни диний вә миллий мәсилә дәп қаривелишқа болмайдиғанлиқини илгири сүргән.

Һалбуки, уйғурлар йезип, хитай һөкүмитигә йоллиған вә йеқинда радиомизда елан қилинған бир материялда көрситишичә, уйғурлар йәнила диний, сиясий вә вә иқтисадий бастурушларға учримақта икән.

Материялда уйғурларниң һәр саһәдә чәткә қеқиливатқанлиқи "5 - июл вәқәси"дә қара - қоюқ миңлиған уйғурниң тутуп кетилгәнлики, һәтта гунаһ артилмай қуюп берилгән уйғурларниң хизмәтлиридин айрилғанлиқи көрситилгән иди.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар