Русийә таможниси урушчи айрупилан сайманлири қачиланған хитай йүклирини тутуп қалди

Хитайниң 'йәр шари вақити гезити'ниң баян қилишичә, русийиниң ташқи байқал таможниси түнүгүн , ташқи байқалдин манҗурийигә йөткилидиған йүкләр ичидин, русийиниң сухуй бәлгилик урушчи айрупиланлириниң електронлуқ сестимиси қачиланған йәшикләрни байқиған.
Мухбиримиз вәли
2009-07-29
Share

Таможна хадими филипованиң ейтишичә, бу йүкләрни бир хитай маңғузған. Мәсилә чиққандин кейин, өзини ширкәтчи дәп атиған бир хитай, бу йүкләрни бейҗиңдики бир тунушиниң тәлипи буйичә маңғузғанлиқини, әмма аллиқачан қачилинип тәйярланған бу йүкниң ичидә немә барлиқини өзи билмәйдиғанлиқини җакарлиған.

Хәвәрдә ейтилишичә , буниңдин бурун русийә тәрәптә алий техника мәһсулатлирини хитайға сетишни чәкләш һәққидә җиддий мураҗәтләр оттуриға қоюлған иди. Русийиниң симаплиқ алий техника мәһсулатлири қачиланған бу икки йәшик йүк һазир русийә таможнисида тутуп турулмақта.

Вәқә ашкариланғандин, хитайниң бир һәрбий мутәхәссиси мулаһизә елан қилип 'һазир җуңгониң иккинчи әвлад урушчи айрупиланлири наһайити илғар, русийиниң сухуй 27 бәлгилик урушчи айрупилан техникиси бизгә керәк әмәс, өзимиз һазир техиму заманивийисини ясиялаймиз' дәп по атқан. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт