Уйғур яш өсмүрлиригә қарита бөлгүнчиликкә қарши тәрбийә күчәйтилмәктә

"Шинҗаң" ниң тәрәққиятиға асаслиқ тәһдит һесабланған амилларниң миллий бөлгүнчилик һәмдә қанунсиз диний паалийәтләр икәнликини оттуриға қойған хитай даирилири, уйғур дияриниң һәр қайси җайлирида " бөлгүнчиликкә қарши туруп, муқимлиқни сақлаш" темиси буйичә тәрбийиләш хизмитини күчәйтидиғанлиқини билдүрди.
Мухбиримиз әқидә
2008.09.25

Хитай ахбарат вастилириниң бу һәқтә бәргән хәвәрлиридә, аталмиш " үч хил күчләр" вә " бөлгүнчиләр"ниң өз тәсирини уйғур аптоном районидики мәктәпләргә сиңдүрүш үчүн, диний етиқади күчлүк оқутқучиларни һәмдә оқуғучиларни нишан қилиш арқилиқ мәктәп оқуғучилирида бөлгүнчилик идийисини урғутушқа урунғанлиқи, шуңа мәктәпләрдә " бөлгүнчиликкә қарши туруп, муқимлиқни сақлаш" тәшвиқатини алаһидә күчәйтиш керәклики оттуриға қоюлған.

Хәвәрдә йәнә, яш - өсмүрләргә бөлгүнчиликкә қарши идийә тәрбийисини тохтимастин йүргүзгәндила, андин партийә вә дөләтниң сиясәт принсиплирини иҗра қилғили, шинҗаңниң муқимлиқини қолға кәлтүргили болидиғанлиқи тәкитлиниш билән биргә, ишәнчилик варисларни йетиштүрүшниң әң муһим қорғани мәктәп икәнлики әскәртилгән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.