En'giliyilik akmelning ölüm jazasi en'giliye - xitay munasiwetlirige selbiy tesir yetküzdi

Xitay hökümitining en'giliyining kechürüm qilishni telep qilishigha qarimay, zeherlik chékimlik etkeschiliki bilen eyiblep ölüm jazasigha höküm qilghan hindi qan séstimisidiki en'giliyilik akmel shayixning ölüm jazasini seyshenbe küni ürümchide ijira qilishi en'giliye - xitay munasiwetliride yirikchilik peyda qildi.
Muxbirimiz erkin
2009-12-30
Élxet
Pikir
Share
Print

En'giliye bash ministiri gordon browén, xitayning akmelni kechürüm qilish heqqidiki chaqiriqlargha qulaq salmay, bir rohi késelge bérilgen ölüm jazasini ijra qilghanliqidin "chöchügenliki we ümidsizlen'genliki"ni bildürgen.

En'giliye tashqi ishlar ministiri aywan léwis xitayning en'giliyidiki bash elchisi bilen ötküzgen bu heqtiki söhbitini chöshendürüp, "men nahayiti chüshinishlik qilip, shayixning ölüm jazasini qobul qilghili bolmaydighanliqini, bu asasiy kishilik hoquqni ada qilishtiki mes'uliyetsizlik ikenlikini éyttim" dégen.

Bu heqtiki xewerlerde, akmel shayixning 2007 ‏- yili 4 kilogram xéro'inni chamidan'gha qachilap, ürümchi ayrodromigha chüshkende qolgha élin'ghanliqini, uning zeherlik chékimlik etkeschilik jinayiti bilen eyiblinip, ölüm jazasigha höküm qilin'ghanliqini bildürgen. Uninggha bérilgen ölüm jazasi seyshenbe küni ürümchide ijra qilindi.

Buningdin bir kün burun en'giliye tashqi ishlar ministiri léwis xitayning en'giliyidiki bash elchisi fu yingni chaqirtip, akmelning ölüm jazasini ijra qilmasliqini telep qilghan, lékin xitay hökümiti en'giliyining telipini qobul qilmighan idi.

Léwis en'giliye metbu'atlirida élan qilighan bu heqtiki bayanatida, "xitay peqet eng asasiy kishilik hoquq ölchemlirige ri'aye qilghandila, dunyaning toluq hörmitige érisheleydighanliqini bilishi kérek," dégen. Xitay tashqi ishlar ministirliqi bolsa, en'giliyining tenqidini ret qilip, akmelning erz qilish hoquqigha hörmet qilin'ghanliqini, en'giliyining bu weqege toghra mu'amile qilip, "xitay - en'giliye arisida yéngi yirikchilik peyda qilmasliqi " ni tekitligen.

Toluq bet