Xitay inzhénér amérikining soda mexpiyetlikini oghrilighanliqi üchün 7 yilliq qamaq jazasigha höküm qilindi

Amérikining soda mexpiyetliklirini oghrilighan bir xitay inzhénér charshenbe küni amérikida 7 yilliq qamaq jazasigha höküm qilindi. Bu yil 46 yashqa kirgen xu'ang késhö 2003-yilidin 2008-yilighiche amérikining dangliq yéza igilik mehsulatliri shirkitide ishligen.
Muxbirimiz irade
2011.12.22
Share on WhatsApp
Share on WhatsApp

U bu mezgilde shirketning organik déhqanchiliq dorilirining mexpiyetlikini oghrilap, buni ilgiri özi ishligen xunen uniwérsitétidiki tetqiqatchilargha yetküzüp turghan.

Birleshme agéntliqining éytishiche, xunen uniwérsitétining ilmiy tetqiqatlar fondi xitay hökümitining maliye yardimi we biwasite bashqurushi astida 863-nomurluq programmisigha asasen tetqiqat élip baridighan orun bolup, 863-nomurluq programma dep atalghan bu tür yuqiri sewiyilik pen-téxnikini tereqqiy qildurup, döletni xelq'ara pen-téxnika we ilmiy tetqiqatlar saheside belgilik orun'gha ige qilishni meqset qilghan halda xitay hökümiti teripidin yolgha qoyulghan bir programma iken. Shunga, xu'angning oghrilighan uchurliri biwasite halda xitay hökümitige bérip chétilidiken.

Xu'angning délosigha qarighan sotchi williyam lawrénsning éytishiche, xu'ang özining xitay hökümiti üchün ishligenlikini étirap qilghan. Xu'ang amérikida ikki chong téxnika shirkitide ishlesh jeryanida téxnika oghrilighan.

Bu shirketlerning adwokati lenniy iqtisad ishpiyonluqi, soda mexpiyetliki oghrilashning éghir jinayetlikini, bu xil mexpiyetliklerni qoghdashning amérikining menpe'itige biwasite munasiwetlik ikenlikini tekitlep, bu xil qilmishlargha éghir jaza bérilishi kérek, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.