Xitaydiki eydiz jem'iyiti ghuljigha yardem qilmaqchi

Xitaydiki eng chong eydin jem'iyiti - “Qizil lénta fondi jem'iyiti” dunya eydiz küni munasiwiti bilen élan qilghan melumatqa qarighanda, mezkur jem'iyet Uyghur élining ili rayonida zeherlik chékimlik we eydizge taqabil turush herikiti bashlashni pilan qilmaqta iken.

Muxbirimiz jüme
2012-12-01

Melum bolushiche, bu, mezkur fondi jem'iyetning qurulghandin buyan tunji qétim Uyghur élige yardem bérishi bolup hésablinidiken.

“Qizil lénta fondi jem'iyiti” 2005 - yili xitaydiki soda sana'etchiler birleshmisi we uning qarmiqidiki 20 shirketning birikishi asasida teshkilligen idi.

Fondi jem'iyiti deslepki qedemde ili rayonidiki eydiz tesirige uchrighan balilargha yardem béridiken. Andin yéza - qishlaqlardiki doxturxanilarning eydizge qarishi turush iqtidarini östürüsh üchün ularning eslihelirini yéngilap béridiken.

Uyghur éli pütün xitay boyiche eydiz mesilisi eng éghir bolghan rayonlarning biri.