Хитай австралийә филим фестивалини байқут қилди

Хитай австралийидә ечилидиған мелборн филим фестивалини байқут қилиш үчүн өзиниң үч филимини фестивалдин чекиндүрүп чиқти.
Мухбиримиз ирадә
2009-07-23
Share

Ройтерс агентлиқиниң хәвиригә қариғанда, хитай 8 - авғуст австралийиниң мелборн шәһиридә ечилмақчи болуватқан филим фестивалиға рабийә қадир вә уйғурларға аит һүҗҗәтлик филимниң қатнаштурулғанлиқи вә рабийә қадир ханимниң келәр ай фестивалниң ечилиш мурасимиға қатнишидиғанлиқиға наразилиқ билдүрүш үчүн фестивалдин чекингән.

Австралийиниң әң чоң филим фестивали болған мелборн филим фестивалиға рабийә қадир ханимниң һаяти тонуштурулған " муһәббәтниң он шәрти" намлиқ һүҗҗәтлик филим қатнаштурулғандин кейин, хитай һөкүмити австралийидә турушлуқ әлчилики арқилиқ фестивалниң тәшкиллигүчиси ричард морға филимни қоймаслиқ һәққидә бесим ишләткән иди. Хитай тәрәп өзиниң үч филимини фестивалдин чекиндүргәндин кейин, ричард мор өзиниң буниңдин интайин әпсусланғанлиқини, әмма фестивалниң сиясәт билән мунасивити йоқлуқини, рабийә қадир ханимниңму фестивалға меһман сүпитидә қатнишидиғанлиқини билдүрди.

Ричард мор дөләт радиосиға қилған сөзидә, бир филим фестивалиниң сияси бесимға учришиниң интайин начар бир әһвал икәнликини ейтип " биз түзүмимиздә чиң туримиз вә бундақ зомигәрликкә һәргиз боюн әгмәймиз," дегән вә рабийә қадир ханимниң һаяти тонуштурулған һүҗҗәтлик филимниң фестивалда давамлиқ йәр алидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт