Xitay fransiyedin, otturisidiki sezgür mesililerni muresse arqiliq hel qilishni telep qildi

Fransiye bash ministiri franki'o'us fillonning bu qétimqi 3 künlük xitay ziyariti tereplerning ötmüshtiki arazchiliqlarni tüzesh tirishchanliqi dep qaralmaqta.

Bash ministir fillon bügün béyjingda qilghan sözide ikki terep arisidiki ixtilaplar üstide toxtilip, fransiyining eslide xitayning ichki ishlirigha arilishish yaki xitayni özgertish niyiti yoqluqini eskertken we  mundaq dégen: " fransiye nahayiti qedimiy bir démokratik dölet, bizde pikir erkinliki bar, herkim némini xalisa shuni déyish imkanigha ige. Bu bizning en'enimiz, xitaymu buni chüshünüshi kérek."

Xujintaw, bu témida ikki terep arisidiki sezgür mesililerni muresse yoli bilen hel qilishni otturigha qoyghan.
 
Bash ministir wén jyabaw bu yil etiyazda bir guruh soda ‏- sana'etchiler bilen yawropa ziyaritige chiqqanda, fransiyedin atlap ötüp ketken idi. Fillonning bu qétimqi ziyariti dawamida ikki terep bir yurush soda kélishimige imza qoyghan. Kélishim boyiche xitay yéngi tiptiki yoluchi ayriplanliri üchün fransiyedin 15 milyard dollar qimmitide motor sétiwalidu.