Xitay hökümiti Uyghur yurtlirini parchilap idare qilishni tézletmekte

Shinxu'a agéntliqining bayan qilishiche, xitay kommunist partiye merkizi komitéti 7 - ayning 5 - 6 - küniliri béyjingde gherbni keng kölemde échish xizmet yighini achti. Bu yighinda xujintaw söz qilip, gherbni keng külemde échish xitayning mushu esrdiki eng chong qarari, bu qarar buyiche xitayche shawkang jem'iyiti qurush nishanigha yétish, xita'i millitining büyük güllinishige munasiwetlik eng chong ish, dep tekitlidi.
Muxbirimiz weli
2010-07-07
Élxet
Pikir
Share
Print

Dunya Uyghur qurultéyining bayantchisi dilshat rishitning bayan qilishiche, qeshqerni alahide iqtisadiy rayon'gha aylandurush pilanini otturigha qoyghan xitay hökümiti bir nechche kündin buyan qeshqerde, qoralliq qisimlar bilen charlash élip bérishqa, qeshqerning sheher ichidimu, etraptiki nahiyilerdin qeshqerge qatnaydighan yollardimu qatmu - qat tosaq qoyup, Uyghurlarni téximu qattiq nazaret astigha élishqa bashlidi.

Boshun tor géziti ötken heptide, xujintaw - wén jabaw hökümiti Uyghur aptonom rayonini xitaylashturushni tézlitish üchün, xitayning 19 ölke we chong sheherlirige yardem bérish dégen nam bilen Uyghur yurtlirini teqsimlep bérip, Uyghur yurtlirini ulargha parchilap idare qilghuzushqa bashlighanliqining tepsililatini bayan qilghan idi.
Toluq bet