Гретсийә ишчилири хитайниң гретсийә преистанлирини иҗаригә алғанлиқиға наразилиқ билдүрди

Гретсийидә порт ишчилири сәйшәнбә күни 24 саәт иш ташлиған болуп уларниң бу наразилиқиға,гретсийиниң әң чоң сода портини хитайға 35 йиллиқ иҗаригә бериш келишими имзалиғанлиқи сәвәб болған.
Мухбиримиз гүлчеһрә
2008-11-25
Share

Гретсийидә үч күнлүк дөләт ишлири зияритидә болуватқан хитай рәһбири ху җинтав, греитсийә баш министири караманлис билән сәйшәнбә күни хитай ‏ - греитсийә деңиз порти сода алақисини күчәйтиш тоғрисида 5 милярд 400 милйон долларлиқ сода келишими һасил қилған болуп, буниң билән хитай оттура деңиз вә шәрқий яврупаға маңғузидиған мал кантенирлирини қачилаш үчүн гретсийиниң асаслиқ икки преистаниниң 35 йиллиқ ишлитиш һоқоқиға игә болған.

Гретсийиниң мәзкүр престанлири тинч окяндики муһим һәм чоң мал қачилаш орни болуп, престандики ишчилар хитайниң мәзкүр престанларни иҗаригә елиши билән зор көләмдә хитайниң сүпәтсиз маллириниң еқип кирип гритсийә базарлирини қалаймиқанлаштуришидин әндишә қилмақта икән.

Сәйшәнбә күни хитайға иҗаригә берилгән мәзкүр престанлардики мал қачилаш ишчилири гретсийә пайтәхти афина мәркизидә айлинип намайиш қилған. Намайишчилар дөләт министирлиқиға киришкә урунған болсиму тосуп қелинған.
Гретсийә деңиз сода порти яврупадики он чоң сода портлириниң бири болуп, дунядики %20 тин көпрәк кантинерлар гретсийә портлиридин тошулиду.

Хитайниң гретсийә деңиз портиға салған мәблиғи узақ йиллиқ сода истратегийисини мәқсәт қилған болуп, һалбуки беританийә ахбаратида гретсийә ишчилар уюшмиси рәһбириниң сөзини нәқил кәлтүрүшичә, улар хитайниң мәзкүр портларда мал қачилапла қалмай завутларни қуруп хитайда ишләнгән малларға өз алдиға яврупа маркилирини қайта қачилап сетишидин сақланғили болмайду дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт