Grétsiye ishchiliri xitayning grétsiye préistanlirini ijarige alghanliqigha naraziliq bildürdi

Grétsiyide port ishchiliri seyshenbe küni 24 sa'et ish tashlighan bolup ularning bu naraziliqigha,grétsiyining eng chong soda portini xitaygha 35 yilliq ijarige bérish kélishimi imzalighanliqi seweb bolghan.
Muxbirimiz gülchéhre
2008-11-25
Share

Grétsiyide üch künlük dölet ishliri ziyaritide boluwatqan xitay rehbiri xu jintaw, gréitsiye bash ministiri karamanlis bilen seyshenbe küni xitay ‏ - gréitsiye déngiz porti soda alaqisini kücheytish toghrisida 5 milyard 400 milyon dollarliq soda kélishimi hasil qilghan bolup, buning bilen xitay ottura déngiz we sherqiy yawrupagha mangghuzidighan mal kanténirlirini qachilash üchün grétsiyining asasliq ikki préistanining 35 yilliq ishlitish hoqoqigha ige bolghan.

Grétsiyining mezkür préstanliri tinch okyandiki muhim hem chong mal qachilash orni bolup, préstandiki ishchilar xitayning mezkür préstanlarni ijarige élishi bilen zor kölemde xitayning süpetsiz mallirining éqip kirip gritsiye bazarlirini qalaymiqanlashturishidin endishe qilmaqta iken.

Seyshenbe küni xitaygha ijarige bérilgen mezkür préstanlardiki mal qachilash ishchiliri grétsiye paytexti afina merkizide aylinip namayish qilghan. Namayishchilar dölet ministirliqigha kirishke urun'ghan bolsimu tosup qélin'ghan.
Grétsiye déngiz soda porti yawrupadiki on chong soda portlirining biri bolup, dunyadiki %20 tin köprek kantinérlar grétsiye portliridin toshulidu.

Xitayning grétsiye déngiz portigha salghan meblighi uzaq yilliq soda istratégiyisini meqset qilghan bolup, halbuki béritaniye axbaratida grétsiye ishchilar uyushmisi rehbirining sözini neqil keltürüshiche, ular xitayning mezkür portlarda mal qachilapla qalmay zawutlarni qurup xitayda ishlen'gen mallargha öz aldigha yawrupa markilirini qayta qachilap sétishidin saqlan'ghili bolmaydu dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet