Хитай гогулға очуқ гепини қилди

Гогул интернет ширкити өткән һәптә баянат елан қилип, әгәр хитай учур әркинликигә давамлиқ тосқунлуқ қилса, ширкәтниң хитайдин чекинидиғанлиқини елан қилған; хитай һөкүмити гогул интернет ширкитигә һазирға қәдәр ениқ вә удул җаваб қайтурмиған иди. Бүгүн хитай ташқи ишлар баянатчиси бу һәқтә ениқ ипадә билдүрди.
Мухбиримиз шоһрәт һошур
2010-01-19
Share

Баянатчи бүгүнки ипадисидә, хитайда тиҗарәт қиливатқан чәтәл ширкәтлириниң, чоқум хитайниң қануниға қануниға бойсунуши керәкликини, гогул ширкитиниңму буниңдин мустәсна әмәсликини билдүрди. Бу йеқинқи бир һәптидин бери хитайниң тунҗи қетим гогул ширкитиниң намини тилға елип туруп очуқ инкас қайтурушидур.

Хәвәрләрдә баян қилинишичә, гогул ширкити йүз бәргән хаккер һуҗумлири мәсилисини давамлиқ тәкшүрүватқанлиқини, тәкшүрүшниң муһим бир қисми сүпитидә, ширкәтниң хитай хизмәтчилириниң алаһидә тәкшүрүливатқанлиқини ашкарилиған.

Түнүгүн йәнә, һиндистан һөкүмитиму бир қисим һөкүмәт тор бәтлириниң хитайниң хаккер һуҗумлириға учриғанлиқини ашкарилиған. Хитай бүгүн бу мәсилигә җаваб қайтуруп, һиндистанға хитай тәрәптин хаккер һуҗуми елип берилғанлиқини инкар қилған; әксичә хитай өзиниң хаккер һуҗумлириниң қурбани болғанлиқини баян қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт