Xitay gogulgha ochuq gépini qildi

Gogul intérnét shirkiti ötken hepte bayanat élan qilip, eger xitay uchur erkinlikige dawamliq tosqunluq qilsa, shirketning xitaydin chékinidighanliqini élan qilghan؛ xitay hökümiti gogul intérnét shirkitige hazirgha qeder éniq we udul jawab qayturmighan idi. Bügün xitay tashqi ishlar bayanatchisi bu heqte éniq ipade bildürdi.
Muxbirimiz shohret hoshur
2010-01-19
Share

Bayanatchi bügünki ipadiside, xitayda tijaret qiliwatqan chet'el shirketlirining, choqum xitayning qanunigha qanunigha boysunushi kéreklikini, gogul shirkitiningmu buningdin mustesna emeslikini bildürdi. Bu yéqinqi bir heptidin béri xitayning tunji qétim gogul shirkitining namini tilgha élip turup ochuq inkas qayturushidur.

Xewerlerde bayan qilinishiche, gogul shirkiti yüz bergen xakkér hujumliri mesilisini dawamliq tekshürüwatqanliqini, tekshürüshning muhim bir qismi süpitide, shirketning xitay xizmetchilirining alahide tekshürüliwatqanliqini ashkarilighan.

Tünügün yene, hindistan hökümitimu bir qisim hökümet tor betlirining xitayning xakkér hujumlirigha uchrighanliqini ashkarilighan. Xitay bügün bu mesilige jawab qayturup, hindistan'gha xitay tereptin xakkér hujumi élip bérilghanliqini inkar qilghan؛ eksiche xitay özining xakkér hujumlirining qurbani bolghanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet