Xitayda 'gujyé tori' ishqa chüshti

Bu tor bet, amérikining gogul shirkiti xitay eger intérnétke bolghan qamalliqni emeldin qaldurmighan teqdirde xitaydin chékinip chiqip kétidighanliqini élan qilghandin bir kün kéyin yeni 14 - yanwar küni ishqa kirishken. Buningdin bashqa yene xitayda ulinish cheklen'gen "yutub" torigha asasen dorap yasap chiqilghan "yutub s n" torimu ishqa kirishtürülgen.

Birleshme agéntliqining xewer qilishiche, her qandaq bir nersini dorap yasaydighan xitayda buninggha oxshash tonulghan tor betlerning dorap yasilishi téxi tunji bolup hésablinidiken.

Gogul shirkitining bayanatchisi birleshme agéntliqining muxbirigha qilghan sözide, bu köchürme tor betler heqqide hazirche bashqa ipade bildürmeydighanliqini, emma bu tor betning özliri bilen pütünley munasiwetsiz ikenlikini éytqan.

Xewer qilinishiche, her ikkila köchürme tor béti normal xizmet bériwatqan bolup, xitay hökümiti ta hazirghiche bu tor betler heqqide ochuq bir ipade bildürmigen yaki ulargha qarita bir tedbir qollanmighan.