'Хитай армийиси көзини йәр шари миқясиға тикиватиду'

Денис блаир бу сөзләрни пәйшәнбә күни америка кеңәш палатасиниң мақуллиқидин өтүш йиғинида сөзлигән сөзидә тәкитлигән болуп, у "хитай өзиниң иқтисади тәрәққиятини сақлаш үчүн базар, тавар вә енергийә тәминатиға капаләтлик қилишни үмид қилиду. Бу хитайниң чәтәлләр билән болған алақисиға зор дәриҗидә тәсир көрсәтмәктә" дегән. У йәнә, хитайниң хәлқарада өзиниң образини тикләшкә вә тәсирини кеңәйтишкә тиришиватқанлиқини, шуниң билән биргә өзиниң мәнпәәтини илгири сүрүп, хитайниң мәнпәәти, бихәтәрлики вә земин пүтүнлүкигә келидиған ташқи риқабәткә қарши тиркишиватқанлиқини билдүргән.

Хитай - тәйвән мунасивитиниң тәйвән президенти ма йиңҗю дәвридә юмшаватқанлиқини тәкитлигән дениз блаир, хитай рәһбәрлириниң тәйвәнни бирликкә кәлтүрүш өз һакимийитини " қанунлаштурушниң ачқучи" дәп қарайдиғанлиқини, лекин хитайниң һәрбий тәрәққияти вә дөләт мудапиә заманивилаштуруш қурулуши тәйвән боғузида уруш партлаш еһтималини көздә тутуп елип бериливатқанлиқини илгири сүргән.

Дениз блаир, хитайниң 2008 ‏ - йили мудапиә хам чотини 6.17 Пирсәнт өстүрүп, 61 милярд долларға йәткүзгәнлики " тәйвәнгә зор тәһдит пәйда қилған" лиқини, әгәр тәйвәнниң буниңға тәйярлиқи болмиса " биз тәйвәнгә ярдәм қилалайдиған бирдин - бир дөләт болуп қалимиз" дегән.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар