Хитай һәрбий вәкилләр өмики америка зияритини башлиди

Хитай һәрбий ишлар комитетиниң муавин рәиси, генерал полковник шү сайхоу 24 - өктәбир күни вашингтонға йетип келип, бир һәптилик рәсмий зияритини башлиди.
Мухбиримиз үмидвар
2009-10-25
Share

Бу барак обама президент болғандин буян хитайниң алий дәриҗилик һәрбий әмәлдариниң америкини зиярәт қилиши болуп һесаблиниду. Америка авазиниң хәвәр қилишичә, генерал шү сайхоу сәйшәнбә күни америка дөләт мудапиә министири роберт гәйтс билән көрүшүп, икки тәрәп һәрбий мунасивәтлири һәққидә рәсмий сөһбәт өткүзиду.
 
Хитайниң 2 - дәриҗилик алий һәрбий әмәлдариниң америка зиярити җәрянида, у бир қисим америка һәрбий - сиясий рәһбәрлири билән көрүшкәндин сирт йәнә америкиниң тинч окян қоманданлиқ шитабини зиярәт қилғандин сирт йәнә аннополис деңиз армийә мәктипи қатарлиқ бир қисим алий һәрбий билим орунлири һәмдә һәрбий базида зиярәттә болидикән.

Мулаһизичиләрниң қаришичә, шү сайхоуниң зиярити президент барак обаманиң 11 - айда хитайни зиярәт қилишиниң алдиға тоғра кәлгән. Бу қетим йәнә америка тәрәпниң мәзкур хитай һәрбий қоманданиниң америкиниң муһим вә сәзгүр һәрбий орунлирини зиярәт қилишиға рухсәт қилиши икки дөләт һәрбий мунасивәтлиридики бир илгириләшниң ипадиси болуп һесаблинидикән.

Америка билән хитайниң мунасивәтлиридә һәрбий мунасивәтләр сода - иқтисадий вә сиясий мунасивәтләргә қариғанда арқида қалған иди. Америка тәрәп хитайниң һәрбий хамчотини үзлүксиз ашурушини тәнқид қилған һәмдә бейҗиңдин өзиниң һәрбий тәрәққиятиниң мәқситини ениқ чүшәндүрүшни тәләп қилған иди.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт