Xitay herbiy wekiller ömiki amérika ziyaritini bashlidi

Xitay herbiy ishlar komitétining mu'awin re'isi, général polkownik shü sayxo'u 24 - öktebir küni washin'gton'gha yétip kélip, bir heptilik resmiy ziyaritini bashlidi.
Muxbirimiz ümidwar
2009-10-25
Share

Bu barak obama prézidént bolghandin buyan xitayning aliy derijilik herbiy emeldarining amérikini ziyaret qilishi bolup hésablinidu. Amérika awazining xewer qilishiche, général shü sayxo'u seyshenbe küni amérika dölet mudapi'e ministiri robért geyts bilen körüshüp, ikki terep herbiy munasiwetliri heqqide resmiy söhbet ötküzidu.
 
Xitayning 2 - derijilik aliy herbiy emeldarining amérika ziyariti jeryanida, u bir qisim amérika herbiy - siyasiy rehberliri bilen körüshkendin sirt yene amérikining tinch okyan qomandanliq shitabini ziyaret qilghandin sirt yene annopolis déngiz armiye mektipi qatarliq bir qisim aliy herbiy bilim orunliri hemde herbiy bazida ziyarette bolidiken.

Mulahizichilerning qarishiche, shü sayxo'uning ziyariti prézidént barak obamaning 11 - ayda xitayni ziyaret qilishining aldigha toghra kelgen. Bu qétim yene amérika terepning mezkur xitay herbiy qomandanining amérikining muhim we sezgür herbiy orunlirini ziyaret qilishigha ruxset qilishi ikki dölet herbiy munasiwetliridiki bir ilgirileshning ipadisi bolup hésablinidiken.

Amérika bilen xitayning munasiwetliride herbiy munasiwetler soda - iqtisadiy we siyasiy munasiwetlerge qarighanda arqida qalghan idi. Amérika terep xitayning herbiy xamchotini üzlüksiz ashurushini tenqid qilghan hemde béyjingdin özining herbiy tereqqiyatining meqsitini éniq chüshendürüshni telep qilghan idi.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet