Xitay mudapi'e ministirliqi tunji resmi tor bétini bügün achti

Xitay mudapi'e ministirliqi tunji resmiy tor bétini achti. Xitay hökümiti dawamliq halda herbiy küchini mexpiy tutush bilen xelq'ara jem'iyet teripidin eyiblinip kéliwatqan bolup, xitayning bu tor betni herbiy ishlirigha qismen bolsimu, ochuqluq élip kélish üchün achqanliqi perez qilinmaqta.
Muxbirimiz irade
2009.08.20
Share on WhatsApp
Share on WhatsApp

Xitay mudapi'e ministirliqining tor bétide xu jintaw we bashqa herbiy emeldarlarningmu resimliri qoyulghan. Tor bette yene herxil qoral - yaraq we eskiri aptomobillar bilen munasiwetlik melumatlar we resimler, xitayning mudapi'e siyasetliri, xelq'ara eskiri ish birlikliri, eskiri qanunliri we xewerlirige yer bérilgen.

Bu tor bétining amérika armiyisining bash générali stef génning xitay ziyariti jeryanida échilishimu alahide diqqet tartti.

Xitayning herbiy xirajetlirining yuqiriliqimu xelq'ara jem'iyet teripidin izchil tenqidlinip kéliwatqan mesile idi. Xitayning üzlüksiz halda éshp bériwatqan herbiy xirajetliri bu yil 9. 14 Prsent éship 480 milyard 680 milyon yu'en'ge yetken bolup, xitay bu herbiy xirajetlirining ishlitilgen orunliri heqqide éniq melumat bermeywatqan idi.

Gerche xitay eskiri küchini sirtqa qarita kéngeymichilik emes, özini qoghdash üchünla tereqqi qilduruwatqanliqini ilgiri sürüwatqan bolsimu, emma mutexessisler buninggha gumaniy nezer bilen qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.