Хитайниң бир һәрбий айропилани гуаңдуңдики бир һойлиға чүшүп кетип 3 кишини яриландурди

Мәлум болушичә, айропилан бинаға урулғандин кейин, бинаға от кәткән. Бинада олтурушлуқ 4 кишидин бири бинадин қечип қутулған; 3 нәпири яриланған вә дохтурханиға апирилған; айропилан учқучиси парашут арқилиқ өзини қутулдурған.

Бирләшмә агентлиқниң бүгүн бу һәқтә бейҗиңдин бәргән хәвиридин мәлум болушичә, яридарлардин 26 яшлиқ бир аялниң әһвали нөвәттә хәтәрлик басқучта. Хәвәрдин йәнә мәлум болушичә, һәрбий мәшиқ давамида техникилиқ сәвәнлик түпәйлидин моллақ атқан бу айропилан, “J-7” типлиқ айропилан болуп, у сабиқ совет иттипақиниң, 1960-йиллардики MiG-21 типлиқ айропиланиға тәқлид қилип ясалған.