"Хитайниң һәрбий селинмиси елан қилинғандин йерим һәссә артуқ"

Бүгүн японийә мәтбуатлири хитай азадлиқ армийисиниң бир әмәлдари ашкарилиған мәлуматқа асасән чиқарған хәвиридә хитайниң һәрбий селинмисиниң елан қилинғандинму көп икәнликини илгири сүрди. Хәвәрдә билдүрүлүшичә, хитай һәрбий даирилири бултур күздә чиқарған ички материялға асасланғанда, хитайниң 2010 - йиллиқ һәрбий селинмиси 78 милярд 800 милйон йүән болуп, бу рәқәм хитай даирилири бу йил 3 - айда 53 милярд йүән дәп елан қилған һәрбий селинмидин йерим һәссә көп икән.
Мухбиримиз ирадә
2010.07.08

Хитай дуня бойичә һәрбий селинмисиниң көплүки җәһәттә америкидин қалсила 2 - орунда туриду. Хитайниң һәрбий селинма миқдариниң бундақ зор болуши вә униң ишлитилиш орниниң ениқ болмаслиқи күзәткүчиләрниң диққитини қозғап кәлмәктә. Улар хитайниң һәрбий селинмисиниң у елан қилған рәсмий рәқәмдин көп юқирилиқини илгири сүрмәктә.

японийә мәтбуатлири бу һәқтики хәвиридә, хитай һәрбий даирилириниң ички материялида берилгән бу рәқәмниң көзәткүчиләрниң гуманлирини дәлилләйдиғанлиқини язди.

Б б с ниң хәвәр қилишичә, шветсийидики "хәлқара тинчлиқ тәтқиқат мәркизи" елан қилған доклатида хитайниң әмәлий һәрбий расхотиниң елан қилинған рәқәмдин 1.75 Һәссә көп икәнликини, өткән 10 йил ичидә хитайниң һәрбий селинмисиниң 3.17 Һәссә ашқанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.