"Xitayning herbiy sélinmisi élan qilin'ghandin yérim hesse artuq"

Bügün yaponiye metbu'atliri xitay azadliq armiyisining bir emeldari ashkarilighan melumatqa asasen chiqarghan xewiride xitayning herbiy sélinmisining élan qilin'ghandinmu köp ikenlikini ilgiri sürdi. Xewerde bildürülüshiche, xitay herbiy da'iriliri bultur küzde chiqarghan ichki matériyalgha asaslan'ghanda, xitayning 2010 - yilliq herbiy sélinmisi 78 milyard 800 milyon yüen bolup, bu reqem xitay da'iriliri bu yil 3 - ayda 53 milyard yüen dep élan qilghan herbiy sélinmidin yérim hesse köp iken.
Muxbirimiz irade
2010.07.08

Xitay dunya boyiche herbiy sélinmisining köplüki jehette amérikidin qalsila 2 - orunda turidu. Xitayning herbiy sélinma miqdarining bundaq zor bolushi we uning ishlitilish ornining éniq bolmasliqi küzetküchilerning diqqitini qozghap kelmekte. Ular xitayning herbiy sélinmisining u élan qilghan resmiy reqemdin köp yuqiriliqini ilgiri sürmekte.

Yaponiye metbu'atliri bu heqtiki xewiride, xitay herbiy da'irilirining ichki matériyalida bérilgen bu reqemning közetküchilerning gumanlirini delilleydighanliqini yazdi.

B b s ning xewer qilishiche, shwétsiyidiki "xelq'ara tinchliq tetqiqat merkizi" élan qilghan doklatida xitayning emeliy herbiy rasxotining élan qilin'ghan reqemdin 1.75 Hesse köp ikenlikini, ötken 10 yil ichide xitayning herbiy sélinmisining 3.17 Hesse ashqanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.