'Хитай мәхпий тутқан уйғурларниң һесабини бәрмәйватиду'

Бирләшмә агентлиқиниң бейҗиңдин баян қилишичә, баш оргини нюйорктики кишилик һоқуқ тәшкилати йеқинда, хитай үрүмчидә мәхпий тутқан 43 уйғурни сүрүштүргән иди. Әмма хитай һөкүмити буниңға техичә инкас қайтурмиди.

Мухбиримиз вәли
2009.10.21

Хәвәрдә баян қилинишичә, хитай сақчи даирилири, 5 ‏ - ийол күни үрүмчидә йүз бәргән намайишта тутулған адәм санини 1400 дин артуқ дәп елан қилған иди. Униңдин кейин елан қилған мәлуматта 825 деди. Бир нәччә айдин кейин аран 21 адәмни сотлиғанлиқини елан қилди. Қалғанлири қени? бу һәқтә хитай техичә хәлққә һесаб бәрмиди.

Һазир уйғурлар мушу бир нәччә ай ичидә наһайити көп адәмниң из - дерәксиз йоқулуп кетиватқанлиқидин, һәтта хитай һөкүмити өзи аилиләрдин тутуп әкәткән 10 нәччә яшлиқ балиларниңму һесабини бәрмәйватқанлиқидин қаттиқ биарам болмақта.

Харвард университиниң тарих тәтқиқатчиси райн сум 'үрүмчидә йүз бәргән намайиштин кейин мәлум қилиниватқан из - дрәксиз йоқалған бигуна уйғурларниң сани барғансери күпийиватиду. Бу мәсилигә қандақ муамилә қилиш, хитай һөкүмитиниң уйғурларға адил муамилә қиливатқан яки қилмайватқанлиқиға тақилидиған мәсилә' дәп көрсәтти.

Мунасивәтлик хәвәрләр

Қисқа хәвәрләр

Көп көрүлгән хәвәрләр

RFA