Xitay twitér, skaypé qatarliq tor alaqisige qaratqan kontrolluqni kücheytmekte

Yéqindin buyan xitay da'irilirining skaypé, twitér qatarliq xelq'ara ammiwi alaqe wasitilirige qaratqan nazaretni yenimu kücheytishi xelq'ara metbu'atlarning diqqitini qozghidi.
Muxbirimiz méhriban
2012-01-31
Share

Roytérs agéntliqining bildürüshiche, xitay da'irilirining xitaydiki kishilik hoquq aktipliri we torda eser élan qilghan yazghuchilarning intérnét alaqilirige qaratqan nazaretni kücheytish hem kishilik hoquq aktiplirining jinayitini békitishte, ularning skaypé we twitérdiki sin'alghu hem tékist uchurlirini nuqtiliq tekshürüsh obyékti qilghanliqi melum bolghan.

Roytérs agéntliqining bügünki xewiride déyilishiche, 31-yanwar seyshenbe küni xangju sot mehkimisi “Dölet hakimiyitini aghdurush” jinayiti bilen eyibligen ju yüfugha jinayet békitishte, ju yüfuning bultur etiyazda xitayda qozghalghan yasimen güli herikiti mezgilide, yazghan yazmiliri hem bashqilar bilen skaypéda yézishqan tékist alaqiliridiki öchürülmey qalghan uchurlarni sotta jinayi pakit süpitide otturigha qoyup, bularning ju yüfuning “Dölet hakimiyitini aghdurushqa qutratquluq qilghanliqi”ning pakiti ikenlikini bildürgen.

Bulturdin buyan xitayning intérnét alaqilirige qaratqan kontrolluqi téximu kücheygen. Bolupmu xitay da'irilirining nuqtiliq halda, feysbok, twitér, sikaypé qatarliqlarning xitaydiki alaqe torini kontrol qilip, intérnét saqchilirining shexslerning xet-alaqilirini xalighanche körüshi kishilik hoquq teshkilatliri teripidin eyiblinip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet