Хитай, ишпийонлириниң америкидики паалийәтлири һәққидики доклатқа наразилиқ билдүрди

Хитайниң америкида ишпийонлуқ һәрикәтлирини күчәйтип, америкиниң техника вә сода мәхпийәтликлирини оғрилаватқанлиқиға алақидар доклат, алдинқи һәптә америка - хитай сода хәвипсизликини баһалаш комитети тәрипидин елан қилинип, америка дөләт мәҗлиси әзалириға сунулған.

Доклатта, америка даирилиридин хитай ишпийонлириниң америкидики паалийәтлиригә тақабил туруш дәриҗисигә қарап чиқиш тәләп қилинған.

Хитай ташқи ишлар министирлиқи баят елан қилип мәзкур доклатниң "пакитсиз вә бир тәрәплимилик" икәнликини көрсәтти.

Баянатчи чиң гаң америка - хитай сода вә хәвпсизликини баһалаш комитетиниң хитайға алақидар мәсилиләрни бәк синчи көзи билән көридиғанлиқини оттуриға қойди вә: "улар хитайниң ички ишиға арилишидиған вә америка - хитай мунасивәтлиригә дәхли йәткүзидиған ишларни қилмаслиқи керәк" деди.

Доклат америка президенти обаманиң хитай зияритидин кейин елан қилинған болуп, доклатта омумән хитайға қаттиқрақ сиясәт қоллиниш идийиси илгири сүрүлгән.