Xitay kommunist partiyisi siyasiy islahat élip bérishqa chaqirildi

70 Tin artuq xitay proféssor we adwokat xitay kommunist partiyisi rehberlirige mektup yollap, ularni muwapiq derijide siyasiy islahat élip bérishqa we partiyini hökümettin ayrishqa chaqirdi.

2012-12-26
Share


Yuqiriqi mektup béyjing uniwérsitéti proféssori jang chyenfen bashchiliqida yézilghan bolup, mektupta döletni qanun boyiche bashqurush, musteqil qanun sistémisi berpa qilish, söz - pikir erkinlikige yol qoyush we xelqqe öz wekillirini saylash hoquqini bérish qatarliq chaqiriqlar otturigha qoyulghan.

Jang chyenfen bu heqte toxtilip: eger xitay islahat élip barmisa inqilab we qalaymiqanchiliq patiqigha pétip qilish xewpige duch kélidu, dep körsetti.

Melum bolushiche, mezkur chaqiriq namida "2008 Xitabnamisi" ning rohimu mu'eyyen derijide eks ettürülgen.

2008 - Yili nöwette xitay türmiside yétiwatqan xitay yazghuchi lyu shyawbo qatarliq biri qisim ziyaliylar "2008 Xitabnamisi" ni élan qilip xitay hökümitini qanun özgertishke chaqirghan idi.

Jang chyenfen bu nöwetlik teklip derijisining intayin yénik ikenlikini we hökümetning bu teklipke qulaq sélishini ümid qilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet