Xitay hökümiti ispaniye sotining qararigha naraziliq bildürdi

Xitay hökümitining tashqi ishlar bayanatchisi ma jawshu 7 - may küni béyjingda muxbirlargha bayanat élan qilip, ispaniye hökümitining shizang aptonom rayonluq partkomning sékrétari jang chingli hem Uyghur aptonom rayoni partkom sékrétari wang léchu'en qatarliq 8 kishini, "insaniyetke qarshi jinayet ötküzgen " dep eyiblep, xelq'ara qanun buyiche sotlimaqchi bolghanliqidek qararigha naraziliq bildürdi.
Muxbirimiz mihriban
2009-05-07
Élxet
Pikir
Share
Print

Ma jawshu bayanatida " bultur lasada partlighan " 14 - mart topilingi" éghir malimanchiliq weqesi bolup,junggo hökümitining bu ishni dölet qanuni boyiche bir terep qilish hoquqi bar."Dédi.

Ma jawshu muxbirning " ispaniye sotining bu hökümi junggo - ispaniye döletlirining munasiwitige tesir yetküzemdu?"dégen so'aligha jawab bérip, " men bashqa döletlerning xelq'ara qanunlarni destek qilip, junggoning ichki ishlirigha arilashmasliqini, junggoni parchilimaqchi bolghan bölgünchi küchlerge yantayaq bolmasliqini ümid qilimen," dédi.

2009 - Yili 5 - ayning 6 - küni, ispaniye sotchisi santyago pedraz tibet, Uyghur we bashqa millet rayonlirida insaniyetke qarshi turush jinayiti ötküzgen xitay diktatorlirini, xelq'arada tutush heqqide buyruq chiqarghanliqini xitayning edliye ministirliqigha uqturghan idi.

Ispaniye dölet sotining bu sotchisi insaniyetke qarshi turghan jinayet gumandarliri dep atighan sekkiz kishining ichide, xitay kommunist partiyisi siyasiy byurosining ezasi we Uyghur aptonom rayon sékrétari wang léchüen, xitay kommunist partiyisining tibetke qoyghan sékrétari jang chingli, xitayning dölet mudapi'e ministiri lyang gu'anglyé, dölet bixeterlik ministiri géng xuychang, jama'et xewpsizlik minisitri méng jyenju, milliy ishlar komitétining bashliqi li déju qatarliqlar bar idi.


Toluq bet