Xitay jenubiy sudan'gha 8 milyard dollar qimmitide qerz bérishke wede berdi

Yéngidin musteqil bolghan jenubiy sudan prézidéntining xitay ziyariti jeryanida xitay terep jenubiy sudan'gha 8 milyard dollar qerz bérishke qoshuldi.
Muxbirimiz ümidwar
2012.04.29

B b s agéntliqining yézishiche, bu pullar jenubiy sudanning yéza igilik, su éléktir istansisi, alaqe qatarliq asasiy qurulush sahesige ishlitilidiken.

Jenubiy sudan bile shimaliy sudan urush halitide bolup, asasliqi néfit qatarliq yer asti bayliq bazilirini talishish muhim toqunush nuqtisigha aylan'ghan.

Bu hepte shimaliy sudan bilen jenubiy sudan arisida qoralliq toqunushlar yüzbergen bolup, ikki terep munasiwiti nachar haletke köchken idi.

Nöwette, xitayning sudanda 100 gha yéqin shirkiti we 10 mingdin artuq ishchisi bar bolup, ular asasliqi néfit qézish we bashqa yer asti bayliqlirini qézish hem qurulush qilish bilen shughullinidiken. Shu sewebtin ikki terep xitayning otturida turup, kélishtürgüchi bolushini xalaydiken.

Xitay terep jenubiy sudan'gha yene insanperwerlik yardimi béridighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.